"Səbail" Rumıniya klubunu harda qəbul edəcək?

"Səbail"in Bakıda Rumıniyanın "Universitatya Krayova" komandası ilə keçirəcəyi Avropa Liqasının I təsnifat mərhələsinin ilk oyununun stadionu müəyyənləşib.

Futbolqol.az xəbər verir ki, klubdan verilən məlumata görə, Aftandil Hacıyevin baş məşqçilik etdiyi kollektiv iyulun 11-də rəqibini "ASCO Arena"da ("Bayıl Arena") qəbul edəcək.

UEFA qəsəbə təmsilçisinə I təsnifat mərhələsindəki oyunu süni ot örtüklü meydanda keçirməyə icazə verib.

Qeyd edək ki, cavab görüşü iyulun 18-də "Yon Oblemenko" stadionunda keçiriləcək. (report)