Zaur Həşimov: "Büdcə dəyişikliyi "Qəbələ"nin çıxışına təsirini göstərdi"

"Azərbaycan mediasında "Dinamo"nun zəif olduğu fikrinə rast gəlməmişəm. Hələ ilk oyundan sonra rəqibi tərifləmişdim. Bu gün bunu bir daha göstərdilər. "Qəbələ" büdcəsində dəyişiklik etdiyi üçün nəticə oyunda əksini tapdı".

Futbolqol.az xəbər verir ki, bunu "Qəbələ"nin baş məşqçisi Zaur Həşimov Gürcüstan paytaxında "Dinamo"ya 0:3 hesabı ilə uduzduqları Avropa Liqasının II təsnifat mərhələsinin cavab görüşündən sonra mətbuat konfransında deyib.

38 yaşlı mütəxəssis bildirib ki, 38-ci dəqiqədə Rasim Ramaldanovla toqquşma nəticəsində zədələnən İvitsa Zuriçin almacıq sümüyündə qırıq aşkarlanıb. O, xorvatiyalı legionerin müalicəsinin hansı şəraitdə davam edəcəyindən xəbərsiz olduğunu söyləyib.