Mingəçevirdə keçirilən region birinciliyində 200-dən çox cüdoçu yarışıb

Azərbaycan Cüdo Federasiyasının dəstəyi ilə yeniyetmələr arasında növbəti region birinciliyi Mingəçevirdə keçirilib.

Turnirdə Qax, Zaqatala, Şəki, Balakən və Mingəçevirdən 200-dən çox yeniyetmə cüdoçu mübarizə aparıb. İki yaş qrupu üzrə keçirilən yarışların qaliblərinə medallar və Azərbaycan Cüdo Federasiyasının diplomları təqdim olunub.

Bölgə yarışları bundan əvvəl Göygöl və Naftalan şəhərlərində təşkil olunub. Növbəti turnir isə Şamaxıda keçiriləcək.