Parataekvondo üzrə Azərbaycan yığması Avropa çempionatında iştirak edəcək

Parataekvondo üzrə Azərbaycan yığma komandası İtaliyada keçiriləcək Avropa çempionatında iştirak edəcək.

Azərbaycan Milli Paralimpiya Komitəsindən bildiriblər ki, qitə çempionatında ölkəmizi baş məşqçi Fərid Tağızadənin və böyük məşqçi Yaşar Səfərovun rəhbərliyi ilə Aynur Məmmədova, Röyalə Fətəliyeva, Elimxan Manafov, İmaməddin Xəlilov, Sadiq Həmidov, Əbülfəz Abuzərli, Hüseyn Həsənov və Vüqar Adışirinov təmsil edirlər.

Bari şəhərində keçiriləcək yarışlara oktyabrın 31-də start veriləcək.